Judges 3
1Hihte pen, Canaan gama galsimna a theikha lo Israel-te khempeuh zia-et nadinga TOPA in a nusiat minamte ahi hi. 2(Amah in a beisa huna gal a theikha lo Israel-te suante tungah galsimzia a hilh nading bekin a hih ahi hi): 3Philistia gam-uk ngate, Canaan-te khempeuh, Sidon-te, le Lebanon mual Baal Hermon Vum pan Lebo a Hamath donga teng Hiv-te ahi hi. 4TOPA in a pute uh tungah a piaksa Israel-te in a mang uh hiam, cih a zia-et nadingin amaute a kisit lai ahi hi. a 5 Canaan-te, Hit-te, Amor-te, Periz-te, Hiv-te le Jebus-te lakah Israel-te a teng uh hi. 6Amaute in a tanute uh tenpihin amau tanute a tapate uh tenpihsak uh a, amau pasiante na a sem uh hi. bOthniel
7 TOPA muhna-ah Israel-te a sia-in gamta uh a; TOPA amaute Pasian, mangngilhin tua Baal-te le Asherah-te na a sem uh hi. 8Israel-te kum giat sung ama nasema a omnapa uh Aram Naharaim b kumpipa Cushan - Rishathaim khut sungah amaute a zuak theih nadingin amaute tungah TOPA a heh mahmah hi. 9Ahi hangin TOPA tungah a kiko uh ciangin Caleb naupa Kenaz’ tapa Othniel amaute hu dingin khangkhiasak a, amah in amaute a honkhia hi. 10Amah Israel thukhen c suaka gal a sim theih nadingin TOPA Kha ama tungah a tung hi. TOPA in Aram kumpipa Cushan Rishathaim Othniel khut sungah pia-a, a zogawp hi. 11Tua ciangin Kenaz’ tapa Othniel a sih dong kum sawmli sung, lungmuangin a om hi. cEhud
12 TOPA muhna ah Israel-te a sia-in gamta kik uh a, hih a gamtatsiatna uh hangin TOPA in Israel tungah Moab kumpipa Eglon a vangliansak hi. 13Ammon-te le Amalek-te tawh kopin Eglon kuana Israel simin amaute in Nisuh Khuapi d a la uh hi. 14Moab kumpipa Eglon’ nasemin Israel-te kum sawm le giat sung a om uh hi. d 15 TOPA tungah Israel-te kiko leuleu uh a, amah in amaute hukhiapa - Benjamin-te Gera’ tapa, veikhoipa, Ehud a pia hi. Israel-te in Moab kumpipa Eglon tungah siah puakin amah a paisak uh hi. 16Tu-in Ehud in pi khat le alang e bang a sau a langnih a hiam namsau khat seeka a taklam phei a puan nuai-ah vom hi. 17Amah in a thau mahmah Moab kumpipa Eglon tungah siah a pia hi. 18Ehud in siah a piak khit ciangin siah puate a ciahsak hi. 19Gilgal-a milim f kiang panin amah kileh kik a, “Kumpipa aw, nang adingin thusim khat ka thei hi,” a ci hi. Kumpipa in, “Na dai uau” a ci hi. Tua ciangin amah a cing khempeuh a paikhia uh hi. 20 Amah guak a khuakhal innpi g inn tungnung dei sungah a tut laitak hi-a, Ehud in a kiang va neh in, “Pasian kiang pan nang ading thupuak khat ka nei hi,” a ci hi. Kumpipa a tutna pan a din laitakin, 21Ehud in a taklam phei-a om namsau a veilam khutin mana kumpipa gilpi a dawt hi. 22A temta banah a bul nangawn tummanga a nunglam ah a pailet hi. Ehud in namsau dokkhia nawnlo-a, a thau in a hucip hi. 23Tua ciangin inn mai tau h-ah Ehud paikhia a; a nunga dei tungnung kongkhak khakin a kalh hi. e 24 Amah a paikhiat khit ciangin a nasemte pai-in dei tungnung a kikalh a mu uh hi. Amaute in, “Inn sunga dei tuam sungah tawlnga hi inteh,” a ci uh hi. 25Amaute in cim liangin ngak cihtak ngakngak uh a, inndei kongkhak a hon het loh ciangin tawhtang la-in kongte a hong uh hi. A topa uh sual tungah a sisa-in tuka om a mu uh hi. f 26 Amaute ngak sungin Ehud gamlapi a tung khin hi. Amah in milimte khenga Seirah ah tai-in a suakta hi. 27Tua lai a tun ciangin Ephraim mualtung gamah pengkul khat mutin, mualtung pan Israel-te amah tawh kuansuk uh a, amah in amaute a makaih hi. g 28 Amah in, “Kei hong zui un, TOPA in na gal uh ahi Moab note khutah hong pia khin hi,” a ci hi. Tua ciangin amaute in zuisuk uh a, Moab paina Jordan ngahmunte la-in kuama galkah ding a phal kei uh hi. 29Tua hunin amaute in Moab-te tulsawm bang satlum uh hi; a vekun ahat, ahang vive hi uh a; mi khat beek a suakta kei hi. 30Tua ni-in Moab, Israel nasem suaka, tua gam kum sawmgiat sung lungmuangin a om hi. hShamgar
31 Ehud zomin Anath’ tapa Shamgar khanga, ciangkhut zumin Philistiate zaguk a satlumpa ahi hi. Amah in zong Israel a honkhia hi. i
Copyright information for
ZomZIV